I – Blog

今日同琴日都係我生日, 因為唔知咩19age個時
舊曆同新曆就係差少少,首先同自己講句生日快樂
成個月都無寫日記, 自己都已經好似唔想寫咁
雖然話成個月無寫日記, 但自己日日都同女朋友一齊
自己覺得好似唔知點咁樣, 好似已經係一個習慣
好多旁觀者都覺得我已經唔再重視朋友
但係我又淋, 朋友都唔搵我, 我其實唔係唔重視
我都好想你地約我去食下野飲下野咁
放左大半個月都無人約過我, 係MSN到話我大忙人
仲有半個月假, 如果你想約我出黎我都可以出到
唔好睇到我真係真係陪女朋友, 而唔理你地先得嫁
講返今日生日, 今日可能係咁多年過得最無引一年
年年都大排宴席咁搞生日會, 今年就搞都無搞過
出左去食左飯就算…唉~~都唔知講咩好
無計啦!!自己個生日係8月份, 想再搞大都唔得
但係琴晚好多謝老婆老婆同埋佢屋企人, 同我搞左個小型生日會
真係驚喜, 講返琴日, 下朝同老婆同埋Banner仲有佢gf一齊出去行
之後老婆話今年要送錶比我, 之後就行左去噴水池個頭
比隻手老婆試, 之後就Choose左一隻, 最後仲去埋新8佰伴行
到左夜晚都好平時咁, 但係今日唔知點解自己入左老婆room上網
之後佢地係出邊唔知做咩, 我都唔知, 之後到食晚飯
個晚係食通心粉, 之後原來老婆Mum叫左個Pizza黎, 原來佢知道我生日
食完真係好開心, 咁就係到睇Film啦!!我仲話就快到12點係我生日
我話打定電話比細佬同亞妹講生日快樂先, 之後佢地話去咩Toilet
Banner就入左room, 我都無留意佢地做咩, 就突然有個旦糕出左黎
個個時刻唔知講咩, 之後食食下比老婆開始用旦糕整我Face, 哼~
Banner同佢gf又開始攻擊我, 之後我就捉住老婆攻擊返佢
最後係得我地兩個中左招, 下次到返無中招個兩個….哈哈!!
係咁樣之下過左個舊曆生日真係好開心…THX